ᑐᕌᒐᖓ ᐊᒻᒪᓗ ᓄᓇᖁᑎᖓ

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔩᑦ ᓄᐃᑕᐅᓐᓂᖁᖅ ᑐᖕᖓᕕᖃᕐᓱᑎᑦ ᐊᕕᑦᑐᓯᒪᔪᒥ 23ᒥ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ. ᑲᕙᒪᑦᑕᐅᔪᖅ ᐊᕙᑎᐅᑉ ᖃᓄᐃᖕᖏᓯᐊᕆᐊᖃᕐᓂᖓᑕ ᐱᖁᔭᖓᓄᑦ ᐊᒻᒪᓗ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᓄᓇᖃᕐᖄᓯᒪᔪᑦ ᐊᖏᖃᑎᒌᒍᑎᖓᑕ ᐱᖁᔭᖓᓄᑦ, ᑎᒥᐅᑦᓱᓂ ᑐᑭᓯᒋᐊᕐᕕᓴᔭᖅ ᑲᒪᒋᔭᑦᓴᔭᓕᓐᓄᑦ ᑲᕙᒪᓄᑦ ᐊᕙᑎᒧᓕᖓᔪᓂᑦ ᐊᒻᒪᓗ ᐃᓄᖃᑎᒌᑦᑐᑦ ᓴᐳᒻᒥᔭᐅᒋᐊᖃᕐᓂᖏᑦ ᓄᓇᕕᒻᒥ. ᑕᐃᒣᒻᒪᑦ ᑲᒪᒋᔭᓕᒃ ᐃᓕᑕᕆᔭᐅᑦᓱᓂᓗ ᑐᑭᓯᒪᖃᑎᒌᒍᑎᐅᑦᓱᓂ ᑲᕙᒪᖓᓄᑦ ᑲᓇᑕᐅᑉ, ᑲᕙᒪᖓᓄᑦ ᑯᐸᐃᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐅᑭᐅᕐᑕᑐᒥᓗ ᓄᓇᓕᓐᓄᑦ.

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᑐᕌᒐᖏᑦ ᐅᑯᐊᖑᕗᑦ:

  • ᑐᑭᓯᒪᖃᑎᒌᑦᑎᓯᔨᐅᓗᓂ ᑎᒥᐅᓗᓂ ᑲᒪᒋᔭᑦᓴᔭᓕᓐᓄᑦ ᑲᕙᒪᓄᑦ ᐱᖁᔭᓄᓕᖓᔪᓂᑦ ᒪᓕᒐᕐᓄᓗ ᐊᕙᑎᓕᕆᓂᕐᒧᓕᖓᔪᓂᑦ ᐃᓅᖃᑎᒌᑦᑐᐃᓗ ᓴᐳᒻᒥᔭᐅᒋᐊᖃᕐᓂᖏᓐᓂᑦ, ᐊᒻᒪᓗ ᐊᓪᓚᕕᖃᕐᓗᑎᑦ ᐊᐅᓚᑦᓯᓗᑎᓗ ᖃᓄᐃᓗᕈᓯᐅᔪᓂᑦ.
  • ᖃᓄᐃᓕᖓᒋᐊᖁᔨᒍᑎᓕᐅᕐᑎᐅᓗᑎᑦ ᐱᖁᔭᓄᓕᖓᔪᓂᑦ, ᒪᓕᒐᕐᓂᑦ ᐊᒻᒪᓗ ᐊᓯᖏᓐᓄᑦ ᖃᓄᐃᓕᖓᒋᐊᕈᑎᐅᒐᓱᑦᑐᓂᑦ ᐊᕙᑎᒧᓕᖓᔪᓂᑦ ᐃᓅᖃᑎᒌᑦ ᓴᐳᒻᒥᔭᐅᒋᐊᖃᕐᓂᖏᓐᓂᓗ.
  • ᕿᒥᕐᕈᓗᑎᑦ ᐊᕙᑎᐅᑉ ᐃᓅᖃᑎᒌᑦᑐᐃᓗ ᓱᕐᕋᑕᐅᒍᑎᒋᒍᓐᓇᑕᖏᓐᓂᑦ ᕿᒥᕐᕈᓗᑎᓗ ᐊᑑᑎᔭᐅᓲᓂᑦ ᖃᓄᐃᓘᕈᓯᐅᓲᓂᓗ.
  • ᖃᐅᔨᓴᕐᓗᑎᑦ ᐱᒻᒪᕆᐅᔪᓂᑦ ᑲᔪᓯᓕᕐᑎᑕᒍᑎᒋᓲᖏᓐᓂᑦ ᐊᕙᑎᐅᑉ ᐃᓅᖃᑎᒌᑦᑐᐃᓗ ᓴᐳᒻᒥᔭᐅᒋᐊᖃᕐᓂᖏᓐᓄᓕᖓᔪᓂᑦ ᖃᓄᐃᓘᕈᓯᐅᓲᓂᑦ ᐃᓚᐅᒻᒥᑎᓪᓗᒍ ᓄᓇᐅᑉ ᐊᑐᕐᑕᐅᓂᖓᓄᓕᖓᔪᑦ ᖃᓄᐃᓕᓘᕈᓰᑦ.
  • ᐱᑐᑦᓯᒪᖃᑎᒌᒍᑎᐅᓗᓂ ᓄᓇᕕᒻᒥᐅᓄᑦ ᐃᑲᔪᕐᓯᓗᓂᓗ ᓄᓇᓕᓐᓂᑦ ᓄᓇᓕᓕᒫᓂᓗ ᐊᖓᔪᕐᖄᖏᓐᓂᑦ ᐊᑐᐃᓐᓇᕈᕐᑎᓂᑎᒍᑦ ᑐᑭᓯᓇᕐᑎᓯᒍᑎᓂᑦ ᐱᓪᓗᑯᒋᐊᓕᑎᒍᕐᑐᓂᓗ ᐃᑲᔪᕐᓯᓗᑎᑦ.

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᑐᑭᑖᕈᑎᓕᒫᖏᑦ ᖃᓄᐃᓕᖓᒋᐊᖁᔨᒍᑎᓕᒫᖏᓪᓗ ᑐᓴᕐᑎᓯᒍᑎᐅᓲᖑᕗᑦ ᑲᕙᒪᖓᓄᑦ ᑲᓇᑕᐅ, ᑲᕙᒪᖓᓄᑦ ᑯᐸᐃᒃ, ᐅᑯᓄᖓᓗ ᓄᓇᓕᓕᒫᓂ ᓄᓇᓕᓐᓂ ᑲᕙᒪᖏᑦ ᐊᑦᑐᐊᔭᐅᔪᑦ, ᑐᑭᓯᒪᖃᑎᒌᓐᓂᒧᓕᖓᔪᓂᑦ ᓈᒻᒪᓈᕐᑐᑎᒍᓪᓗ ᖃᓄᐃᓗᕐᓂᒧᓕᖓᔪᓂᑦ.

 

ᓄᓇᖁᑎᖓ

ᐊᖏᓂᖃᕐᓱᓂ 500,000 ᑭᓚᒥᓲ ᓯᒃᑭᓲᑦ ᒪᕐᕈᓗᐊ, ᓄᓇᕕᒃ ᑯᐸᐃᒃ ᓄᓇᖁᑎᖓᑕ 55 ᐃᑰᑕᖓᑕ ᑕᕐᕋᖓᓂᒃᑯᖅ. ᓄᓇᖁᑎᖓ ᓄᓇᓕᓕᒃ 14ᓂ ᐃᓄᖁᑎᖏᑦ ᐅᓄᕐᓂᓖᑦ 12,000ᓂᑦ. ᑰᑦᔪᐊᖅ ᓄᓇᓕᕐᓚᐅᓂᕐᐹᖅ (ᐅᓄᕐᓂᖏᑦ ᐊᒥᓲᓂᕐᓴᐃᑦ 2,300ᓂ ᐃᓄᖁᑎᖏᑦ) ᐊᒻᒪᓗ ᐊᐅᐸᓗᒃ ᓄᓇᓕᐊᕈᓂᕐᐸᐅᑎᓗᒍ (ᐃᑭᓐᓂᓴᐅᒫᐱᑦᓱᑎᑦ 200I ᐃᓄᖁᑎᖏᑦ). ᐃᓄᐃᑦ 90 ᐳᓴᓐᑦ ᐃᑭᓐᓂᓴᐅᖕᖏᑐᑦ ᐃᓄᖁᑎᓕᒫᖏᓐᓂᑦ. ᐊᕐᖁᑎᖃᖕᖏᑐᑦ ᓄᓇᖁᑎᖓᓂᑦ ᐱᔪᒥᒃ ᑯᐸᐃᒃ ᓯᕿᓂᖓᓄᑦ ᐱᑐᑦᓯᒪᔪᒥᒃ. ᖃᖓᑦᑕᔪᒃᑯᑭᓯᐊᓂᐅᓲᖑᕗᑦ.

Nunavik map