ᑭᓇᒃᑯᓂᖏᑦ

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐱᖓᓱᐃᓕᖓᕗᑦ ᖁᓕᐅᖕᖏᒐᕐᑐᓂᑦ ᑲᑎᖕᖓᔨᖃᕐᓱᑎᑦ: ᐱᖓᓱᐃᑦ ᑎᓕᔭᐅᒪᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ, ᐱᖓᓱᐃᑦ ᑲᕙᒪᖓᓄᑦ ᑯᐸᐃᒃ ᐊᒻᒪᓗ ᐱᖓᓱᐃᑦ ᑲᕙᒪᖓᓄᑦ ᑲᓇᑕᐅᑉ. ᑖᒃᑯᐊ ᑲᑎᖕᖓᔩᑦ ᐃᓇᖏᕐᑕᐅᒍᓐᓇᑐᑦ ᖃᖓᑐᐃᓐᓇᖅ ᑎᓕᔨᒥᓄᑦ. ᐊᑐᓂ ᑲᑎᖕᖓᔩᑦ ᐊᑕᐅᓯᕐᒥᒃ ᓂᕈᐊᕈᓐᓇᐅᑎᓖᑦ, ᑐᖕᖓᕕᖃᕐᓱᑎᑦ 23.5.4 ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ ᓇᓗᓇᐃᕐᓯᒪᑦ ᖃᓄᐃᑦᑐᓄᓕᖓᔪᓂᑦ ᐃᓚᐅᒍᓐᓇᓂᖏᓐᓂᑦ ᐅᑯᓄᖓᓄᓕᖓᔪᓂᑦ ᑯᐸᐃᒃ ᓄᓇᖁᑎᖓᓄᑦ ᑭᓯᐊᓂᓕᖓᔪᓄᑦ, ᑲᕙᒪᑐᖃᒃᑯᓄᑦ ᑭᓯᐊᓂᓕᖓᔪᓄᑦ ᐅᕝᕙᓗᓐᓃᑦ ᐅᐊᕈᑎᒌᑦᑐᓂᑦ ᓄᓇᓄᓕᖓᔪᓂᑦ.

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᒪᓕᒐᖏᑦ ᐊᐅᓚᑦᓯᓂᕐᒥᒃ (ᖃᓪᓗᓈᑎᑑᕐᑐᑦ)

ᐊᖓᔪᕐᖄᖅ

ᐊᒻᒪᓗ ᐊᖓᔪᕐᖄᑉ ᑐᖓᓕᖓ ᑎᒡᒍᐊᑕᐅᓱᖅ ᐊᕐᕌᒍᓕᒫᒧᓕᖓᔪᒥᒃ, ᐊᖓᔪᕐᖄᖅ ᑲᔪᓯᑎᑦᓯᓲᖅ ᐱᓇᓱᒐᑦᓴᒥᓂᑦ ᐊᐃᕆᓕ 1ᒥᑦ ᒫᑦᔨ 31ᒧᑦ, ᑐᖕᖓᕕᖃᕐᓱᑎᑦ ᐊᓪᓚᓯᒪᔪᓂᑦ 23.55 ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ. 2018-2019ᒥ, ᐊᖓᔪᕐᖄᖅ ᐊᓕᒃᓵᓐ-ᑮ ᑰᑏ, ᑎᒃᑯᐊᑕᐅᓯᒪᔪᖅ ᑲᕙᒪᑐᖃᒃᑯᓄᑦ ᐊᒻᒪᓗ ᐊᖓᔪᕐᖄᑉ ᑐᖓᓕᖓ ᓯᓪᕕ ᓕᑐᕐᓅ,  ᑎᒃᑯᐊᑕᐅᓯᒪᔪᖅ ᑯᐯᒃ ᑲᕙᒪᖓᓄᑦ.

ᐱᓇᓱᑦᑏᑦ

ᐊᓪᓚᑎᒻᒪᕆᒃ ᑲᒪᒋᔭᑦᓴᔭᓕᒃ ᐊᐅᓚᑕᐅᓂᖏᓐᓂᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᐊᓪᓚᕕᖁᑎᖓᓂᒃ ᑲᒪᒋᔭᐅᔪᖅ ᑎᒥᐅᔫᑉ ᑲᑎᖕᖓᔨᖏᓐᓄᑦ. ᐊᓪᓚᑎᒻᒪᕆᒃ ᐱᐅᓕᐊᓲᖅ ᐊᓪᓚᑕᐅᒪᒍᑎᖏᓐᓂᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᑐᑭᑖᕈᑎᕕᓂᖏᓐᓂᑦ ᐊᓪᓚᓯᒪᔪᖁᑎᖏᓐᓂᓗ; ᐊᑐᐃᓐᓇᕈᕐᑎᕆᑦᓱᓂᓗ ᑎᒥᐅᔫᑉ ᑲᑎᖕᖓᓂᑦᓴᖏᓐᓂᑦ ᖃᐅᔨᒋᐊᕐᑎᐅᓱᓂᓗ ᑲᒪᒋᔭᐅᒋᐊᓕᕕᓂᕐᓂᑦ; ᐊᓪᓚᒋᐊᖕᖓᐅᑎᓂᑦ ᐊᓪᓚᓱᖅ, ᑐᑭᓯᒪᖃᑎᒌᒍᑎᓂᑦ, ᖃᓄᐃᓕᖓᒐᓱᓐᓂᐅᔪᓂᑦ, ᐊᕐᕌᒍᑕᒫᕐᓯᐅᑎᓂᑦ ᐊᓪᓚᓯᒪᔪᓕᐊᕆᔭᐅᓲᓂ. ᑐᓴᐅᒪᑦᓯᐊᓱᓂ ᐱᕙᓪᓕᐊᔪᓂᑦ ᓄᓇᐅᑉ ᐃᓅᖃᑎᒌᑦᑐᐃᓗ ᐊᕙᑎᖏᓐᓂᑦ ᐱᕙᓪᓕᐊᔪᓂᑦ ᑐᑭᓯᒪᑎᑦᓯᓱᓂ ᐃᓄᖁᑎᖏᓐᓂᑦ ᓄᓇᖁᑎᖓᓂᑦᑐᓂᑦ, ᐊᓪᓚᑎᒻᒪᕆᒃ ᐱᕕᑦᓴᖃᕐᑎᓯᔪᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓂᑦ ᐃᓚᐅᒍᓐᓇᓯᑎᑦᓯᓱᓂ ᓄᓇᓕᓕᒫᓄᓕᖓᔪᓂᑦ ᐱᓇᓱᑦᑕᐅᔪᓂᑦ ᐃᓚᐅᒍᓐᓇᓯᑎᑦᓯᓱᓂᓗ ᑲᑎᖕᖓᓂᐅᔪᓄᑦ, ᐱᓇᓱᖃᑎᒌᓐᓂᐅᔪᓄᑦ ᑲᑎᖕᖓᓂᐊᕈᓯᐅᔪᓄᓗ ᓄᓇᕕᒻᒥ. ᐊᕙᑎᓕᕆᓂᕐᒥᒃ ᖃᐅᔨᓴᕐᑎᒃ ᑲᒪᒋᔭᑦᓴᔭᓕᒃ ᕿᒥᕐᕈᕆᐊᓪᓛᓂᕐᒥᒃ ᑎᒥᐅᔫᑉ ᐱᒻᒪᕆᖁᑎᖏᓐᓂᑦ ᐊᕙᑎᓕᕆᓂᕐᒧᓕᖓᔪᓂᑦ ᑐᖕᖓᕕᖃᕐᓱᑎᑦ ᑐᑭᓯᓇᑦᓯᐊᑐᓂᑦ ᓴᐳᒻᒥᔭᖃᕐᓂᑎᒍᑦ ᐃᓚᐅᑦᓯᐊᕋᓱᓐᓂᑎᒍᓪᓗ. ᑐᖕᖓᕕᖃᕐᓱᑎᑦ ᓄᓇᖁᑎᖓᑕ ᐊᕙᑎᖓᑕ ᐃᓅᖃᑎᒌᑦᑐᐃᓗ ᓴᐳᒻᒥᔭᐅᒋᐊᖃᕐᓂᖏᓐᓂᑦ, ᖃᐅᔨᓴᕐᑎᒃ ᖃᐅᔨᓴᓲᖅ ᒪᓕᒐᕐᓂᑦ, ᐱᖁᔭᓂᑦ ᐱᖁᔮᐱᓐᓂᓗ ᐅᓇᓗᑦᑕᐅᖅ ᑲᔪᓯᓕᕐᑎᑕᐅᓂᖏᑦ ᐊᕙᑎᒧᓕᖓᔪᑦ ᖃᓄᐃᓘᕈᓯᐅᔪᑦ ᓱᕐᕃᔪᑦ ᓄᓇᖁᑎᖓᓂᒃ. ᖃᓂᑕᖃᐃᓐᓇᕋᓱᐊᓱᖅ ᑐᑭᓯᒪᖃᑎᒌᑦᑎᓯᑦᓱᓂ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓂᑦ ᐊᒻᒪᓗ ᓄᓇᓕᓕᒫᓂᑦ, ᑯᐸᐃᒃ ᑲᕙᒪᖓᓂ ᑲᕙᒪᑐᖃᒃᑯᓂᓗ ᐱᓇᓱᐊᕐᑎᐅᔪᓂᑦ. ᖃᐅᔨᓴᕐᑎᒃ ᐃᓚᐅᓱᖅ ᑲᑎᖕᖓᓂᕐᓄᑦ, ᑲᑎᖕᖓᓂᐊᕈᓯᕐᓄᑦ ᑲᑎᖕᖓᓂᒻᒪᕆᓄᓗ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᑐᕌᒐᖏᓐᓄᓕᖓᔪᓄᑦ. ᐊᕙᑎᓕᕐᓂᕐᒥᒃ ᖃᐅᔨᓴᕐᑎᒃ ᐃᑲᔪᕐᓯᓱᖑᒻᒥᔪᖅ ᐊᖓᔪᕐᖄᖓᓂᒃ, ᐊᓯᖏᓐᓂᑦ ᑲᑎᖕᖓᔨᓂᑦ ᐊᒻᒪᓗ ᐊᓪᓚᑎᒻᒪᕆᖓᓂ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᐃᑲᔪᕐᓯᓱᒋᑦ ᐱᓇᓱᐊᕆᐊᓕᖏᓐᓂᑦ ᐱᓇᓱᐊᕐᑎᓗᒋᑦ. ᑲᑎᖕᖓᔩᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᑲᑎᖕᖓᔨᐅᕕᖃᓲᑦ ᑎᓕᔨᒥᑦᑕ ᓯᕕᑐᓂᐅᖁᔭᖓᓂᒃ.

ᐃᓚᐅᔪᑦ

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᒫᓐᓇᐅᑎᓪᓗᒍ ᐅᑯᐊᖑᕗᑦ:
-ᑎᒡᒍᐊᑕᐅᒪᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ:

ᑎᒡᒍᐊᑕᐅᒪᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ: ᒪᐃᑯᓪ ᐱᐊᕋᑦ

ᒪᐃᑯᓪ ᐱᐊᕋᑦ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᓄᑕᐅᓯᓕᕈᕐᓇᑐᓂᑦ ᐱᒍᑦᔭᐅᕕᖓᓂ, ᐊᕙᑎᓕᕆᓂᕐᒥᒃ, ᓄᓇᓕᕆᓂᕐᒥᒃ ᐊᒻᒪᓗ ᒥᕐᖑᐃᓯᕐᕕᓕᕆᓂᕐᒥᒃ. ᐊᕐᕌᒍᓂ 35ᓂ ᐊᓂᒍᕐᑐᓂᑦ, ᐃᓚᐅᓯᒪᔪᖅ ᐊᑦᔨᒌᖕᖏᑐᓄᑦ ᐱᓇᓱᐊᕐᑕᐅᔪᓄᑦ ᓄᓇᕕᒻᒥ. ᐃᓚᐅᓯᒪᔪᖅ ᑲᔪᓯᓕᕐᑎᓯᖃᑎᐅᑦᓱᓂ ᐃᓄᐃᑦ ᐅᒪᔪᕐᓯᐅᓂᕐᒧᑦ, ᐃᖃᓪᓕᐊᓂᕐᒧᑦ, ᒥᑭᒋᐊᕐᓂᐊᓂᕐᒧᑦ ᐃᑲᔪᕐᓯᒍᑎᖏᓐᓂᑦ, ᐊᕙᑎᓕᕆᓂᕐᒧᓕᖓᔪᓂᑦ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᓐᓂᖓᓄᑦ, ᐊᑦᔨᒌᖕᖏᑐᓂᓪᓗ ᐊᕙᑎᐅᑉ ᓴᐳᒻᒥᔭᐅᒋᐊᖃᕐᓂᖓᓅᓕᖓᔪᓄᑦ ᐱᓇᓱᐊᕐᑕᐅᔪᓄᑦ. ᐃᓕᑕᕆᔭᐅᒍᑎᓕᒃ ᐃᓕᓐᓂᐊᑕᐅᓲᓂᑦ ᓄᓇᖃᕐᖄᓯᒪᔪᓄᓕᖓᔪᓂᑦ, ᐊᖑᑎᒃ ᐱᐊᕋᑦ ᑲᑎᙵᔨᐅᓯᒪᔪᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᐱᒋᐊᓕᕐᓂᒪᑕ 1990ᒧᑦ ᐊᒻᒪᓗ 1999ᒥᑦ ᐅᓪᓗᒥᒧᑦ. ᑰᑦᔪᐊᒥᐅᖅ.

ᑎᒡᒍᐊᑕᕕᓂᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ: ᓓᓇ ᑯᕃ

ᓓᓇ ᑯᕃ ᑲᖏᕐᓱᒥᐅᕙᖅ. ᐊᕐᕌᒍᓂᑦ ᐱᖓᓲᔪᕐᑐᓂᑦ ᐱᓇᓱᑦᑐᕕᓂᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐊᓪᓚᕕᒻᒪᕆᖓᓂ ᑰᑦᔪᐊᒥ. ᐊᕐᓇᖅ ᑯᕃ ᐱᓇᓱᑦᑎᒋᒋᐊᖕᖓᒋᔭᐅᓯᒪᔪᖅ ᐊᓪᓚᑎᒋᔭᐅᑦᓱᓂ ᐊᒻᒪᓗ ᑭᖑᓂᐊᒍᑦ ᐃᓕᓐᓂᐊᓯᒪᑦᓱᓂ ᓯᑕᒪᕕᑦᓱᓂ ᐊᐅᓚᑦᓯᔨᐅᓂᕐᒥᒃ, ᐱᓇᓱᑦᑎᐅᔪᕕᓂᖅ ᐃᑲᔪᕐᑎᐅᓱᓂ ᐊᖓᔪᕐᖄᒥᒃ ᓄᑕᐅᓯᓕᕈᓐᓇᑐᓂᑦ ᓄᓇᒥ ᐱᓯᒪᔪᓂᑦ ᐱᒍᑦᔨᕕᖓᓂ. ᐊᕐᓇᖅ ᑯᕃ ᒫᓐᓇᐅᑎᓪᓗᒍ ᒪᓐᑐᕆᐊᓪᒥᐅᒃ ᐊᒻᒪᓗ 2014ᒥᓂᑦ, ᐱᓇᓱᑦᑐᖅ ᒪᑭᕝᕕᒃ ᑯᐊᐳᕆᓴᓐᑯᓂᑦ ᑐᑭᒧᐊᑦᑎᓯᔨᐅᑦᓱᓂ ᐊᖓᔪᕐᖄᑉ ᐱᒍᑦᔨᕕᖓᓂ. ᑎᒡᒍᐊᑕᐅᔪᕕᓂᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᒣ 2016ᒥ.

ᑎᒡᒍᐊᑕᕕᓂᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ: ᒥᐊᕆ ᐱᓗᕐᑑᑦ

ᒥᐊᕆ ᐱᓗᕐᑑᑦ ᐱᓇᓱᒐᕐᑖᕆᐊᖕᖓᑐᕕᓂᖅ ᐊᓪᓚᑎᐅᑦᓱᓂ ᑮᓇᐅᔭᓕᕆᔨᐅᓂᕐᒥᒃ ᐅᑭᐅᕐᑕᑐᒥ ᓄᓇᓕᖓᓂ ᑲᖏᕐᓱᔪᐊᒥ 1995ᒥᑦ 2000ᒧᑦ ᐊᒻᒪᓗ ᐱᓇᓱᑦᑎᑖᕆᔭᐅᑦᓱᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᓄᓇᓕᓕᒫᓂ ᑮᓇᐅᔭᓕᕆᓂᕐᒧᑦ ᐊᓪᓚᕕᓕᕆᓂᕐᒧᓗ ᐃᑲᔪᕐᑎᐅᓱᓂ 2000ᒥᑦ 2005ᒧᑦ. ᓄᓇᓕᒻᒥ ᓯᕗᓕᕐᑎᐅᔪᕕᓂᖅ ᑲᖏᕐᓱᔪᐊᒥ 2005ᒥᑦ 2012ᒧᑦ ᐅᓇᒋᐊᓪᓚᓗ ᐳᕐᑐᓂᕐᓴᓂ ᑲᑎᖕᖓᔨᐅᖃᑎᐅᓐᓂᒥᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ. ᒥᔅ ᐱᓗᕐᑑᑦ ᓂᕈᐊᕐᑕᐅᓂᕐᒥᔪᖅ ᐊᖓᔪᕐᖄᑉ ᑐᖓᓕᐊᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ 2012ᒥᑦ 2017ᒧᑦ. ᒫᓐᓇᐅᑎᓪᓗᒍ ᐊᖓᔪᕐᖄᕆᔭᐅᔪᖅ ᐱᖑᐊᓗᐃᑦ ᒥᕐᖑᐃᓯᕐᕕᖓᓄᑦ ᐊᒻᒪᓗ ᐊᓕᐊᒋᔭᓕᒃ ᐊᐅᓪᓚᑲᑦᑕᒋᐊᒥᒃ ᐊᒻᒪᓗ  ᐊᓃᕆᐊᒥᒃ ᐃᖃᓪᓕᐊᕆᐊᒥᒃ ᐊᒻᒪᓗ ᒪᙯᒋᐊᒥᒃ ᐃᓚᒌᖑᑦᓱᑎᑦ.

ᑎᒡᒍᐊᑕᐅᒪᔪᑦ ᑲᕙᒪᖓᓄᑦ ᑯᐸᐃᒃ: ᐴᓪ ᖃᐃᓕ

ᐴᓪ ᖃᐃᓕ, ᐳᕐᑐᓂᕐᐹᒥ ᐃᓕᓐᓂᐊᑕᐅᒍᓐᓇᑐᒥᒃ ᐱᔭᕇᒍᑎᑖᕐᓯᒪᔪᖅ ᐱᖁᔭᓕᕆᓂᕐᒧᑦ., ᐱᖁᔭᓕᕆᔨᒃ, ᐱᖁᔭᓕᕆᓂᕐᒥᒃ ᐃᓕᓐᓂᐊᑎᑦᓯᔨᒃ ᐃᓕᓐᓂᐊᕕᕐᔪᐊᖓᓂ ᓚᕙᓪ ᐊᒻᒪᓗ ᑲᓇᑕᒥ ᖃᐅᔨᓴᕐᓂᓄᑦ ᐊᖓᔪᕐᖄᕆᔭᐅᑦᓱᓂ ᐊᕙᑎᓕᕆᓂᕐᒧᑦ ᐱᖁᔭᓂᑦ. ᑎᒡᒍᐊᑕᐅᔪᕕᓂᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ 1999ᒥ.

ᑦᔪᓕ ᓴᒻᓴᓐ ᐃᓕᓐᓂᐊᓂᕐᒥᒃ

ᑦᔪᓕ ᓴᒻᓴᓐ ᐃᓕᓐᓂᐊᓂᕐᒥᒃ ᐱᔭᕇᕈᑎᑖᕐᓯᒪᔪᖅ ᓇᐹᕐᑐᓕᕐᓂᕐᒥᒃ ᐊᒻᒪᓗ ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᒥ ᐱᔭᕇᕈᑎᑖᕐᓯᒪᑦᓱᓂ ᓇᐹᕐᑐᓕᕆᓂᕐᒥᒃ ᐱᕈᕐᑐᓕᕆᓂᕐᒥᓗ ᐊᒻᒪᓗ ᓄᓇᓕᕆᓂᕐᒥᒃ ᐃᓕᓐᓂᐊᕕᕐᔪᐊᖓᓂ ᓚᕙᓪ. ᐊᐅᒡᒍᓯ 2011ᒥᓂᑦ, ᐊᕐᓇᖅ ᓴᒻᓴᓐ ᑐᑭᒧᐊᑦᑎᓯᔨᒋᔭᐅᔪᖅ ᓄᓇᖃᕐᖄᓯᒪᔪᐃᓪᓗ ᑐᑭᓯᒪᖃᑎᒌᒋᐊᖃᕐᓂᖏᓐᓂᑦ ᐊᕙᑎᓕᕆᓂᕐᒥᒃ ᖃᓄᐃᓕᖓᒋᐊᕐᓂᐅᔪᑦᓴᓂᑦ ᖃᐅᔨᓴᕐᑕᐅᓂᖏᓐᓂᑦ ᐱᒍᑦᔭᐅᕕᖓᓂ ᑐᕐᖃᑕᕐᕕᖓᓂ ᐱᕙᓪᓕᐊᓂᕐᒥᒃ ᐊᕗᖓᐅᓕᒍᓐᓇᑐᓂᑦ, ᐊᕙᑎᓕᕆᓂᕐᒥᒃ ᓯᓚᐅᓗ ᐊᓯᑦᔨᕙᓪᓕᐊᓂᖓᓂᒃ ᐃᑯᓪᓚᑎᑦᓯᒐᓱᑦᑎᓄᑦ. ᐱᓇᓱᑦᑎᐅᖃᑦᑕᓯᒪᔪᖅ ᐊᕐᕌᒍᓂᑦ ᐊᒥᓱᓂᑦ ᐃᓕᓐᓂᐊᕕᕐᔪᐊᖓᓂ ᓚᕙᓪ ᖃᐅᔨᓴᕐᕕᖓᓂ ᓇᐹᕐᑐᐃᑦ ᐱᕈᕐᑐᐃᑦ ᖃᐅᔨᓴᕐᑕᐅᕕᖓᓂ ᖃᐅᔨᓴᕐᑎᐅᓱᓂ ᐊᒻᒪᓗ, 2002ᒥᑦ 2011ᒧᑦ, ᓇᐹᕐᑐᓕᕆᓂᕐᒥᒃ ᑐᕐᖃᑕᕐᕕᖓᓂ ᑖᕗᖓᐅᓕᒋᐊᓪᓚᒍᓐᓇᑐᑦ ᓄᓇᒥ, ᐊᑦᔨᒌᖕᖏᑐᓂᑦ ᐱᔭᑦᓴᖃᕐᓱᓂ ᓄᓇᖃᕐᖄᓯᒪᔪᐃᑦ ᐱᒍᑦᔭᐅᓂᖏᓐᓄᓗᐊᖕᖑᐊ. ᐊᕐᓇᖅ ᓴᒻᓴᓐ ᑎᒡᒍᐊᑕᐅᔪᕕᓂᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᒫᑦᔨ 2013ᒥ

ᓯᓪᕕ ᓕᑐᕐᓄ ᐱᕈᕐᑐᓕᕆᓂᕐᒥᒃ

ᐱᕈᕐᑐᓕᕆᓂᕐᒥᒃ ᐃᓕᓐᓂᐊᓯᒪᔪᖅ, ᒪᑕᒻ ᓕᑐᕐᓄ ᐃᓕᑕᕆᔭᐅᒍᑎᓕᒃ ᑲᑐᑦᔨᖃᑎᒌᓐᓂᓄᓕᖓᔪᓂᑦ ᓯᓚᕐᔪᐊᒥᐅᖃᑎᒌᖑᔪᐃᑦ ᐊᒻᒪᓗ ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᒋᐊᓪᓚᖓᓂ ᐃᓕᓐᓂᐊᓯᒪᒻᒥᔪᖅ ᐋᑉᐳᙰᑦᓴᓂᕐᒧᓕᖓᔪᒥᒃ ᐊᕙᑎᓕᕆᓂᕐᒧᓕᖓᔪᒥᓗ. ᐊᒥᓱᓂᑦ ᐱᓇᓱᖃᑦᑕᓯᒪᔪᖅ ᑲᓇᑕᒥ ᐊᒻᒪᓗ ᑲᓇᑕᐅᑉ ᓯᓚᑖᓂ. ᐊᕐᕌᒍᓂᑦ ᐊᒥᓱᓂᑦ ᐱᓇᓱᑦᑎᕕᓂᖅ ᕿᒥᕐᕈᒋᐊᓪᓛᑕᐅᓂᖏᓐᓄᓕᖓᔪᓂᑦ ᐊᕙᑎᒧᓕᖓᔪᐃᑦ ᑐᕐᖃᑕᕐᕕᑯᖓᓂ ᐱᕙᓪᓕᐊᑕᐅᓂᖏᓐᓂᑦ ᐱᑦᓴᖑᒍᓐᓇᑐᐃᑦ ᐊᕙᑎᓕᕆᓂᕐᒥᒃ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ ᓄᕐᖃᑎᑦᓯᒐᓱᓐᓂᒧᑦ ᐊᒻᒪᓗ ᐱᓇᓱᒐᖃᓕᕐᑐᖅ ᑐᑭᒧᐊᑦᑎᓯᕕᖓᓂ ᖃᐅᔨᒪᔪᒻᒪᕆᒃ ᓄᓇᓂᑦ ᐊᑦᔨᒌᖕᖏᑐᓄᓕᖓᔪᓂᑦ ᑕᒃᑲᓂ ᑐᕐᖃᑕᕐᕕᒥ. ᑲᑎᖕᖓᔨᕈᕐᓂᖁᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ 2006ᖑᑎᓪᓗᒍ.

ᔭᖕ-ᐃᕝ ᓴᕙᕆᐊ

ᔭᖕ-ᐃᕝ ᓴᕙᕆᐊ ᐱᕈᕐᑐᓕᕆᔨᒃ. ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᖓᓂ ᐱᔭᕇᕈᑎᑖᕐᓯᒪᔪᖅ ᐃᒪᕐᐱᓕᕆᓂᕐᒥᒃ ᐃᓕᓐᓂᐊᕕᕐᔪᐊᖓᓂ ᑯᐸᐃᒃ ᕆᒧᔅᑭᒥ. ᐊᖑᑎᒃ ᓴᕙᕆᐊ ᐊᕐᕌᒍᐃᑦ 15 ᐃᑭᓐᓂᓴᐅᖕᖏᑐᓂᑦ ᐱᓇᓱᑦᓯᒪᔪᖅ ᐃᒪᕐᒥᐅᑕᐃᑦ ᐊᐅᓚᑕᐅᓂᖏᓐᓄᓕᖓᔪᓂᑦ. 2002ᒥᓂᑦ, ᐊᒥᓱᓂᑦ ᐱᓇᓱᑦᓯᒪᔪᖅ ᐃᒪᕐᐱᓕᕆᔨᒃᑯᖏᓐᓄᑦ ᑲᓇᑕᒥ ᐅᓄᕐᓯᐅᒥᑎᒐᓱᑦᓱᒋᑦ ᐃᒪᕐᒥᐅᑕᐃᑦ ᐊᑦᑕᓇᕐᑐᒦᑦᑐᑦ, ᓴᐳᒻᒥᔭᐅᔪᑦ ᐃᒪᐃᑦ ᐊᑦᔨᒌᖕᖏᑐᓂ ᓄᓇᓂ, ᐅᓇᓗᑦᑕᐅᖅ, ᐊᐅᓚᑕᐅᓂᖏᑦ ᓴᐳᒻᒥᔭᐅᓂᖏᑦ ᐃᖃᓗᐃᑦ ᐃᓂᒋᓲᖏᓐᓂᑦ. 2009ᒥᓂᑦ, ᐊᖑᑎᒃ ᓴᕙᕆᐊ ᐱᓇᓱᒐᓕᒃ ᐱᒍᑦᔨᕕᖓᓂ ᑐᑭᒧᐊᑦᑎᓯᔨᐅᑦᓱᓂ ᐅᑯᓇᓂ ᐃᒪᕐᐱᒥᐅᑕᐃᑦ ᓴᐳᒻᒥᔭᐅᒋᐊᖃᕐᓂᖏᑦ ᐱᓇᓱᐊᕐᑕᐅᓂᖏᓐᓂ ᐃᒫᒃ ᑐᕌᒐᓖᑦ ᐃᖃᓗᐃᑦ ᓄᖑᑐᐃᓐᓇᑎᑦᑕᐃᓕᓗᒋᑦ.

ᑎᒡᒍᐊᑕᕕᓂᖅ ᑲᕙᒪᖓᓄᑦ ᑲᓇᑕᒥ: ᐊᓕᒃᓴᓐᑕᕋ-ᑭ ᑯᑎ

ᐊᓕᒃᓴᓐᑕᕋ-ᑭ ᑯᑎ ᐱᔭᕇᒍᑎᑖᕐᑐᕕᓂᖅ ᐃᓕᓐᓂᐊᕕᕐᔪᐊᖓᓂ ᒪᓐᑐᕆᐊᓪ ᑲᕙᒪᓕᕆᓂᕐᒥᑦ ᑐᓴᕋᑦᓴᓕᕆᓂᕐᒥᓗ. 2006ᒥᓂᑦ, ᐱᓇᓱᑦᑐᕕᓂᖅ ᓄᓇᖃᕐᖄᓯᔪᐃᑦ ᐱᒍᑦᔭᐅᕕᖏᓐᓂ ᐊᔪᖀᒋᐊᕐᑎᐅᓱᓂ ᐊᕙᑎᓕᕆᓂᕐᒧᑦ ᓯᓚᐅᓗ ᐊᓯᑦᔨᐸᓪᓕᐊᓂᖓᓄᓕᖓᔪᓂᑦ ᑲᓇᑕᒥ ᑯᐯᒃᒥ ᐊᒻᒪᓗ ᐊᑦᓛᓐᑎᒃ ᐃᒪᕐᐱᖓᓂ ᐱᒍᑦᔨᕕᖓᓂ. ᐱᓇᓱᑦᑕᒥᓂ, ᐊᓕᒃᓴᓐᑕᕋ-ᑭ ᑯᑎ ᐃᓚᐅᔪᕕᓂᖅ ᐱᓇᓱᐊᖃᑕᐅᑦᓱᓂ ᑲᔪᓯᓕᕐᑎᑕᐅᐅᓂᖏᑦ ᐊᕙᑎᒧᓕᖓᔪᐃᑦ ᐅᑭᐅᕐᑕᑐᖓᓂ ᑯᐯᒃᒥ ᐊᖏᖃᑎᒌᒍᑎᖏᓐᓂᑦ ᑯᕆᒃᑯᓗ ᐃᓄᐃᑦ ᐊᒻᒪᓗ ᓇᔅᑳᐱᒃ ᐃᓄᖁᑎᖏᓐᓂᑦ. ᑎᒡᒍᐊᑕᐅᓪᓚᕆᓐᓂᖁᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᑎᓯᒻᐱᕆ 2016ᒥ.

.

ᑎᒡᒍᐊᑕᕕᓂᖅ ᑲᕙᒪᖓᓄᑦ ᑲᓇᑕᐅᑉ: ᑲᑐᕆᓐ ᓚᐱᕆ

ᑲᑐᕆᓐ ᓚᐱᕆ ᐃᓕᓐᓂᐊᓯᒪᔪᖅ ᐱᔅᓂᔅᒥᒃ ᐊᐅᓚᑦᓯᓂᓕᕆᓂᕐᒧᑦ ᐳᓚᕋᕐᑐᓕᕆᓂᕐᒥᓗ ᐊᐅᓚᑦᓯᓂᕐᒥᒃ ᐊᒻᒪᓗ ᐃᓕᓐᓂᐊᕕᕐᔪᐊᖅ ᐳᕐᑐᓂᕐᓴᖓᓂ ᐃᓕᑕᕆᔭᐅᒍᑎᓕᒃ ᓯᓚᕐᔪᐊᒥ ᐱᕙᓪᓕᐊᓂᕐᒧᓕᖓᔪᓂᑦ. ᐊᒥᓱᓂᑦ ᐊᕐᕌᒍᓂᑦ ᐱᓇᓱᑦᓱᓂ ᐳᓚᕋᕐᑐᓕᕆᓂᕐᒥ ᐊᒻᒪᓗ ᑕᒐ, ᓯᓚᕐᔪᐊᒥ ᐱᕙᓪᓕᐊᓂᕐᒧᓕᖓᔪᓂᑦ ᐱᓇᓱᑦᓱᓂ ᓯᓚᕐᔪᐊᒧᓕᖓᔪᓕᕆᓂᖅ ᑲᓇᑕᒥ, ᐃᓕᓐᓂᐊᓂᕐᒥᒃ ᐱᓇᓱᐊᕐᑐᕕᓂᖅ ᓄᓇᖃᕐᖄᓯᒪᔪᐃᑦ ᐅᑭᐅᕐᑕᑐᒥᓗ ᑲᓇᑕᒥ. ᒫᓐᓇᐅᑎᓪᓗᒍ ᓯᕗᓕᕐᑐᖅ ᑲᔪᓯᓕᕐᑎᑕᐅᓂᖏᓐᓂᑦ ᐊᖏᖃᑎᒌᒍᑏᑦ ᑯᐯᒃᒥ ᐅᑦᑑᑎᒋᓗᒍ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᒥ, ᓄᓇᕕᒃ ᓄᓇᑖᕐᓂᒧᑦ ᐊᖏᖃᑎᒌᒍᑎᖓ ᐊᒻᒪᓗ ᐃᔪ ᐃᒪᕐᓂ ᓇᒻᒥᓂᑖᕐᓂᒧᑦ ᐊᖏᖃᑎᒌᒍᑎᖓᓂ. ᑎᒡᒍᐊᑕᕕᓂᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᔫᓂ 2017ᒥ.

ᐊᓪᓚᑎᒻᒪᕆᒃ: ᐱᓐᔭᒥᓐ ᐸᑕᓄᑦ

ᐱᓐᔭᒥᓐ ᐸᑕᓄᑦ 2013ᒥᓂᑦ, ᐊᓪᓚᑎᒻᒪᕆᒋᔭᐅᓕᕐᑐᖅ ᐱᓐᔭᒥᓐ ᐸᑕᓄᑦ. ᐊᖑᑎᒃ ᐸᑕᓄᑦ ᐃᓕᓐᓂᐊᕕᕐᔪᐊᖓᓂ ᒥᑭᐊᓪ ᐱᔭᕇᕈᑎᑖᕐᓯᒪᔪᖅ ᐊᒻᒪᓗ ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᕆᐊᓪᓚᒥ ᐱᔭᕇᕈᑎᑖᕐᓯᒪᒻᒥᔪᖅ ᓄᓇᖃᕐᖄᓯᔪᓄᓕᖓᔪᓂᑦ ᐃᓕᓐᓂᐊᕕᕐᔪᐊᖓᓂ ᒪᓐᑐᕆᐊᓪ. ᐊᕙᑕᒃᑯᓄᑦ ᐱᓇᓱᑦᑐᐅᓯᒪᔪᖅ ᐊᒻᒪᓗ ᓄᓇᕕᒻᒥ ᒥᕐᖑᐃᓯᕐᕕᖏᓐᓄᑦ ᐱᓇᓱᑦᑎᐅᓯᒪᔪᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᐱᓇᓱᑦᑎᕈᓚᐅᕋᓂ.

ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᔨᒃ: ᓈᓐᓯ ᑕᐃ

ᓈᓐᓯ ᑕᐃ 2015-2016ᒥ, ᐊᕙᑎᓕᕆᓂᕐᒧᑦ ᖃᐅᔨᓴᕐᑎᐅᔪᖅ ᓈᓐᓯ ᑕᐃ, ᐃᓕᓐᓂᐊᕕᕐᔪᐊᒥ ᐃᓕᑕᕆᔭᐅᒍᑎᓕᒃ ᐊᕙᑎᓕᕆᓂᕐᒧᓕᖓᔪᒥᒃ ᐃᓕᓐᓂᐊᑕᐅᓲᒥᒃ ᐊᓪᓚᑎᒻᒪᕆᒋᔭᕕᓂᐅᑦᓱᓂᓗ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᐆᑦᑐᐱᕆ 2005ᒥᑦ ᔭᓄᐊᕆ 2009ᒧᑦ ᐊᒻᒪᓗ ᔪᓚᐃᒥᑦ ᑎᓯᒻᐱᕆᒧᑦ 2011ᒥ. ᐊᕐᓇᖅ ᑕᐃ ᐱᓇᓱᒐᓕᒃ ᐊᕙᑎᓕᕆᓂᕐᒥᒃ ᐊᔪᖀᒋᐊᕐᑎᐅᓱᓂ ᐱᓇᓱᕙᓪᓗᓱᓂ ᓄᓇᐃᑦ ᓱᕐᕋᑕᐅᔪᕕᓃᑦ ᓴᓗᒻᒪᓴᕐᑕᐅᓂᖏᓐᓂᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᓇᓱᑦᑕᐅᔪᓂᑦ. ᐱᓇᓱᑦᑎᒋᔭᐅᓕᕐᑐᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᐅᓪᓗᓕᒫᕐᑎᐅᒐᓂ ᐊᕙᑎᓕᕆᓂᕐᒧᑦ ᐱᓇᓱᑦᑎᐅᓱᓂ 2012ᒥᓂᑦ.